قومی ٹیم کے کپتان بابر اعظم نے نامور ریسلرز اور فٹبالر کے ساتھ تصویر شیئر کرتے ہوئے کہا کہ مجھے اور رضوان کو کوئی اور کھیل کھیلنا شروع کردینا چاہیے۔
قومی ٹیم کے کپتان بابر اعظم اور وکٹ کیپر بیٹر محمد رضوان نے امریکا کی ہارورڈ یونیورسٹی بزنس اسکول سے بزنس آف انٹرٹینمنٹ، میڈیا اینڈ اسپورٹس (بی ای ایم ایس) کورس مکمل کرلیا۔
👨🎓 @iMRizwanPak @TalhaAisham pic.twitter.com/ghKsWlBHWi
— Babar Azam (@babarazam258) June 4, 2023
بابراعظم نے ٹوئٹر پر ایک تصویر پوسٹ کی جس میں ان کے ہمراہ فرینچ مارشل آرٹس کے ماہر فرانسس گانو، نائیجرین مارشل آرٹس کے ماہر کمارو عثمان اور امریکی فٹبالر جیمیز ونسٹن اور ٹیچر موجود تھے۔
تاہم تصویر کے ساتھ بابر اعظم کے لکھے گئے کیپشن نے مداحوں کی توجہ اپنی جانب مبذول کروالی۔
بابر اعظم نے تصویر میں کھلاڑیوں کو مینشن کرتے ہوئے لکھا کہ ’جب ان جیسے چیمپئنز کرکٹ کھیلنے میں دلچسپی ظاہر کررہے ہوں تو شاید مجھے اور محمد رضوان کو کوئی اور کھیل کھیلنا شروع کردینا چاہیے۔‘
When champions like @francis_ngannou, @USMAN84kg and @jaboowins vouching to play cricket, may be it is time for @iMRizwanPak and I to join another sports. Thoughts? 🙄🤔 pic.twitter.com/zK0boCq7OI
— Babar Azam (@babarazam258) June 5, 2023
ساتھ ہی قومی کپتان نے مداحوں سے اس حوالے سے ان کے خیالات کے بارے میں بھی پوچھا جس پر مداح بھی اپنی کا اظہار کررہے ہیں۔
یاد رہے کہ گزشتہ دنوں کپتان بابر اعظم اور محمد رضوان ہارورڈ یونیورسٹی بزنس اسکول میں بی ای ایم ایس کورس کے لیے امریکا روانہ ہوئے تھے۔
