راولپنڈی: پنجاب فوڈ اتھارٹی نے گنج منڈی میں شہریوں کو بیمار اور مردہ مرغیاں سپلائی کرنے والی ایک گاڑی پکڑ لی۔
تفصیلات کے مطابق راولپنڈی میں فوڈ سیفٹی ٹیم نے گنج منڈی میں بیمار اور مردہ مرغیاں سپلائی کرنے والی ایک گاڑی پکڑی، کارروائی کے دوران گاڑی سے برآمد ہونے والی ایک ہزار کلو مضر صحت مرغیاں تلف کر دی گئیں۔
پنجاب فوڈ اتھارٹی کے مطابق گاڑی میں موجود مرغیاں موذی امراض میں مبتلا پائی گئی تھیں، مرغیوں کا کوئی ریکارڈ بھی موجود نہیں تھا، جب گاڑی پر موجود افراد سے مرغیوں کا ریکارڈ طلب کیا گیا تو وہ کوئی ریکارڈ فراہم نہیں کر سکے۔
- Advertisement -
پنجاب فوڈ اتھارٹی کا کہنا ہے کہ بیمار مرغیوں کا گوشت ریسٹورنٹس اور فاسٹ فوڈز پوائنٹس پر سپلائی کیا جانا تھا۔
