لاہور: محکمہ ایکسائز نے تحریک انصاف کے رہنماؤں کے نام رجسٹرڈ گاڑیاں کی تفصیلات نیب کو بھجوا دیں، نیب نے لاہور سمیت پنجاب بھر سے تفصیلات مانگی تھیں۔
تفصیلات کے مطابق القادر ٹرسٹ کرپشن کیس میں محکمہ ایکسائز نے تحریک انصاف کے رہنماؤں کے نام رجسٹرڈ گاڑیاں کی تمام تر تفصیلات نیب کو بھجوا دیں۔
محکمہ ایکسائز نے تمام دفاتر سے تفصیلات جمع کر کے نیب کو بھجوائیں، نیب نے کرپشن کیس کی تحقیقات کیلئے محکمہ ایکسائز سے تفصیلات مانگی تھیں۔
محکمہ ایکسائز نے بتایا کہ سب سے زیادہ 22 گاڑیاں فرحت شہزادی کے نام پر رجسٹرڈ ہیں جبکہ فواد چودھری کے نام پر 1 اور شہزاد اکبر کے نام پر 2گاڑیاں رجسٹرڈ ہیں۔
اس کے علاوہ شفقت محمود کے نام پر 4 اور عمر ایوب کے نام پر ایک گاری رجسٹرڈ ہے۔
نیب نے کرپشن کیس کی تحقیقات کیلئے محکمہ ایکسائز سے تفصیلات مانگی تھیں ۔ محکمہ ایکسائز نے تمام دفاتر سے تفصیلات جمع کر کے نیب کو بھجوا دی گئیں۔