اسلام آباد : وفاقی بجٹ میں چھوٹے دکانداروں کیلئے خصوصی اسکیم لانے کی تجویز دے دی گئی ، اسکیم گزشتہ 5 سال میں ریٹرن فائل نہ کرنے والے دکانداروں کیلئے ہوگی۔
تفصیلات کے مطابق وفاقی بجٹ میں چھوٹے دکانداروں کیلئے خصوصی اسکیم لانے کی تجویز سامنے آئی ، ذرائع نے بتایا کہ اسکیم سالانہ ایک کروڑ روپے سے کم ٹرن اوور والوں کیلئے متعارف کرانے کی تجویز دی گئی ہے۔
ذرائع کا کہنا تھا کہ خصوصی اسکیم ٹیئر ون ریٹیلرز پر لاگو نہ کرنے کی تجویز دی ہے ، اسکیم گزشتہ 5 سال میں ریٹرن فائل نہ کرنے والے دکانداروں کیلئے ہوگی۔
،ذرائع نے کہا کہ خصوصی اسکیم کا اطلاق چھوٹے سروس پرو وائیڈرز پر بھی ہوگا اور ٹیکس ریٹرن فائل کرنے پر دکانداروں کا نام ایکٹو ٹیکس پیئر لسٹ میں شامل ہوگا۔
دکاندار موبائل فون ایپ کے ذریعے ٹیکس ریٹرن فائل کرسکیں گے تاہم اسکیم کے اہل دکانداروں کا ود ہولڈنگ ٹیکس ایڈجسٹمنٹ ریفنڈ نہیں ہوگا۔
