کراچی : جامعہ کراچی میں طالبعلم پر فائرنگ اور تشدد کا مقدمہ درج کرکے دو افراد کو گرفتار کرلیا گیا، پولیس کا کہنا ہے کہ تشدد میں ملوث گرفتار دونوں ملزمان اسٹوڈنٹ نہیں ہے۔
تفصیلات کے مطابق جامعہ کراچی میں ہسٹری کے طالبعلم پر فائرنگ اور تشدد کا مقدمہ ٹاون تھانے میں درج کرلیا گیا اور دو افراد کو گرفتارکرلئے گئے۔
طالبعلم عدیل نے بتایا کہ وہ کینٹین میں بیٹھا تھا کہ ایک لڑکا میرے پاس آیا نہایت بدتمیزی سے ٹائم پوچھا، میں نے کہا بدتمیزی کیوں کر رہے ہو تو لڑنے لگ گیا۔
عدیل کا کہنا تھا کہ اس لڑکے نے دیگر ساتھیوں نے مل کر مجھے مارنا شروع کردیا جبکہ ایک لڑکے نے مجھ پر پستول نکال کر گولیاں چلائی لیکن میں بچ گیا۔
طالبعلم عدیل نے پولیس کو بیان دیا کہ میری تلاشی لے کر پیسے اور دیگر کاغذات بھی نکال لیے ، اسی دوران یونیورسٹی کی سیکیورٹی آگئی تو سب بھاگ گئے۔
پولیس کا کہنا ہے کہ تشدد میں ملوث گرفتار دونوں ملزمان اسٹوڈنٹ نہیں ہے، گرفتار ملزمان کے خلاف مزید کارروائی کی جائے گی۔
