کراچی: سندھ اسمبلی میں سود خوروں کے خلاف قانون منظور کر لیا گیا۔
تفصیلات کے مطابق سندھ اسمبلی نے سود خوروں کے خلاف ایک قانون منظور کیا ہے جس کے بعد کوئی بھی شخص یا گروہ نقد رقم یا گاڑی وغیرہ سود پر نہیں دے سکے گا۔
سود خوری میں ملوث ہونے پر عدالت جائداد ضبط کرنے کا حکم دے سکتی ہے، سود خور کو کم از کم 3 سال، اور زیادہ سے زیادہ 10 سال سزا بھی ہو سکتی ہے۔
ایکٹ کے سیکشن 3 دفعہ 01 کے تحت سود خور کو 10 لاکھ روپے کا جرمانہ ہوگا۔
سود خور کے لیے سہولت کاری کرنے والے کو بھی قید اور جرمانے کی سزا ہوگی، اور مقروض کو ہراساں کرنے میں ملوث شخص کو 5 سال قید کی سزا، اور 5 لاکھ روپے جرمانہ کیا جائے گا۔
