کراچی : امیر جماعت اسلامی کراچی حافظ نعیم الرحمان نے میئر کے انتخاب سے متعلق سپریم کورٹ فیصلے پر عمل درآمد کے حوالے سے چیف الیکشن کمشنر کو خط لکھ دیا۔
خط کے متن میں کہا گیا ہے کہ پیپلز پارٹی ریاستی مشینری کا استعمال کرکے پی ٹی آئی نمائندوں کو اپنے میئر کے امیدوار کو ووٹ دینے کیلئے دباؤ ڈال رہی ہے۔
حافظ نعیم الرحمان کا مؤقف ہے کہ پی ٹی آئی نے میئر کے انتخاب کے لیے جماعت اسلامی کی غیر مشروط حمایت کا اعلان کیا ہے۔
انہوں نے خط میں لکھا ہے کہ سندھ حکومت نے میئر کے انتخاب کے حوالے سے پی ٹی آئی کے چار منتخب نمائندوں کو گرفتار کیا ہوا ہے
سندھ ہائی کورٹ نے گرفتار بلدیاتی نمائندوں کو میئر کے انتخاب میں ووٹ ڈالنے کیلئے پروڈکشن آرڈر جاری کیے ہیں
عدالتی احکامات کے مطابق جو نمائندہ پارٹی فیصلے کیخلاف ووٹ ڈالے گا اس کا ووٹ شمار نہیں ہوگا، اور اسے ڈس کوالیفائی تصور کیا جائے گا۔