ممبئی : بھارت میں انتہا پسند ہندو جماعت کے کارندوں نے گائے بیچنے کے لیے لے جانے کے شُبے میں ایک مسلمان نوجوان کو تشدد کرکے قتل کردیا۔
بھارتی میڈیا کے مطابق بھارت میں گائے کے تحفظ کے نام پر بنائی جانے والی دہشت گرد تنظیم راشٹریہ بجرنگ دل کے کارندوں نے ایک مسلمان نوجوان پر بہیمانہ تشدد کرکے مار ڈالا اور اس کی لاش نالے میں پھینک دی۔
رپورٹ کے مطابق ناسک ضلع میں 23 سالہ نوجوان لقمان انصاری اپنے مویشیوں کو ایک ٹرک میں منتقل کررہا تھا کہ وہاں تنظیم راشٹریہ بجرنگ دل سے وابستہ کارندوں نے اسے گھیرلیا، ملزمان نے نوجوان اور اس کے مویشی بھرے ٹرک کو ویران مقام پر لے جاکر گائے بیچنے کے الزام لگا کر تشدد کرنا شروع کردیا یہاں تک کہ اس کی جان چلی گئی۔
#Nashik: Luqman Ansari & Atiq were attacked by a mob on suspicion of cattle trafficing, while Luqman lost his life Atiq was seriously injured on 8 June
Dist President of Bajrang Dal Pappu alias pradeep Adole is the main accused in the incident.
A group of 15-16 men ambushed+ pic.twitter.com/kEoU5dC5E7
— Saba Khan (@ItsKhan_Saba) June 14, 2023
دہشت گردوں نے لقمان انصاری کو قتل کرنے کے بعد اس کی لاش قریبی نالے میں پھینک دی اور فرار ہوگئے۔ بعد ازاں پولیس نے واردات میں ملوث 6 ملزمان کو گرفتار کرکے مقدمہ درج کرلیا مزید ملزمان کی تلاش جاری ہے۔
ملزمان نے دعویٰ کیا کہ لقمان انصاری کی موت نالے میں گرنے سے ہوئی جبکہ پولیس کا کہنا ہے کہ موت کی وجہ تشدد ہی ہوسکتی ہے، پولیس نے دو مقدمات درج کیے ہیں جن میں ایک قتل کا ہے۔
