کوئٹہ: صوبہ بلوچستان کے اکثر شہروں میں اگلے 24 گھنٹے کے دوران موسم گرم اور خشک جبکہ کچھ میں بارش اور ژالہ باری کا امکان ہے۔
تفصیلات کے مطابق محکمہ موسمیات کا کہنا ہے کہ صوبہ بلوچستان کے بیشتر اضلاع میں موسم گرم اور خشک رہے گا۔
محکمہ موسمیات کا کہنا ہے کہ کچھ شہروں جیسے بارکھان، خضدار، لسبیلہ، پنجگور، ژوب، گوادر، پسنی، اورماڑہ، اوتھل، بیلہ، خاران، مکران اور آواران میں آندھی اور گرج چمک کے ساتھ بارش اور ژالہ باری کا امکان ہے۔
- Advertisement -
محکمہ موسمیات کا کہنا ہے کہ کوئٹہ میں زیادہ سے زیادہ درجہ حرارت 36 ڈگری سینٹی گریڈ ریکارڈ کیا گیا ہے۔
سب سے زیادہ درجہ حرارت تربت میں 42 ڈگری سینٹی گریڈ ریکارڈ کیا گیا، سبی اور نوکنڈی میں 41، جیوانی اور گوادر میں 36، قلات میں 33 اور زیارت میں درجہ حرارت 32 ڈگری سینٹی گریڈ ریکارڈ کیا گیا۔
