اسلام آباد : پی ٹی آئی کے دور حکومت میں سابق پرنسپل سیکرٹری اعظم خان اچانک لاپتہ ہوگئے، اہل خانہ نے ان کی گمشدگی کی تصدیق کردی۔
تفصیلات کے مطابق سابق پرنسپل سیکرٹری اعظم خان کے اہلخانہ کی جانب سے تھانہ کوہسار میں گمشدگی کی درخواست دے دی گئی۔
درخواست میں کہا گیا ہے کہ اعظم خان کل شام کو گھر سے نکلنے کے بعد واپس نہیں آئے، ان کا موبائل فون بھی بند ہے۔
پولیس کا کہنا ہے کہ مذکورہ درخواست اعظم خان کے بھتیجے کی طرف سے دی گئی ہے، معاملے کی تفتیش کی جارہی ہے جس کے بعد مقدمہ درج کرنے کا فیصلہ ہوگا۔
