پشاور : خیبر پختونخوا حکومت نے عید الاضحی پر 4 چھٹیوں کا اعلان کردیا، تمام دفاتر 28 جون سے یکم جولائی تک بند رہیں گے۔
تفصیلات کے مطابق خیبر پختونخوا حکومت نے عید الاضحی پر 4 چھٹیوں کا اعلان کردیا اور اس حوالے سے نوٹیفکیشن بھی جاری کردیا۔
نوٹیفکیشن میں کہا گیا ہے کہ تمام دفاتر 28 جون سے یکم جولائی تک بند رہیں گے۔
یاد رہے وفاقی حکومت کی جانب سے عیدالاضحیٰ پر 3 چھٹیوں کا اعلان کیا گیا تھا، 29جون سے یکم جولائی تک عید الاضحیٰ کی تعطیلات ہوں گی۔
نوٹیفکیشن میں کہا گیا تھا کہ ہفتے میں 5 روز کام کرنے والے سرکاری ملازمین کیلئے 29 اور 30 جون کی چھٹی اور ہفتے میں 6 روز کام کرنے والے سرکاری ملازمین کیلئے 29 جون سے یکم جولائی تک چھٹی ہوگی۔
خیال رہے ذی الحج کا شمار اسلام کے آخری اور اہم ترین مہینے میں ہوتا ہے، اس ماہ دنیا بھر سے لاکھوں مسلمان حج کی سعادت کے لیے سعودی عرب پہنچتے ہیں، میدان عرفان میں جمع ہوتے ہیں، جہاں نبی کریم نے تاریخی خطبہ دیا تھا، جسے خطبہ حجۃ الوداع کے نام سے بھی جانا جاتا ہے۔
ارکان حج کی ادائیگی کے بعد مسلمان حضرت ابراہیم اور ان کے بیٹے حضرت اسماعیل کی روایات کی پیروی کرتے ہوئے جانوروں کی قربانی کرتے ہیں۔
