ابوظہبی: نیوزی لینڈ کے خلاف جاری پہلے ٹیسٹ میچ کے دوران سر میں بال لگنے سے پاکستانی بیٹسمین احمد شہزاد زخمی ہو گئے ہیں۔
ابوظہبی ٹیسٹ میں نیوزی لینڈ کے خلاف جاری پہلے ٹیسٹ میچ میں احمد شہزار اور اظہر علی کے درمیان دوسری وکٹ میں ایک سو انہتر رنز کی شراکت بنی، تین سو سینتالیس کے مجموعی اسکور پر احمد شہزاد بدقسمتی سے اینڈرسن کی گیند پر انوکھے انداز میں ہٹ وکٹ ہوگئے، کیوی بولر کی تیز گیند احمد شہزاد کے سر پر لگی جس وہ سنبھل نہ سکے اور ان کا بیٹ وکٹ پر گرگیا۔
گیند لگنے کے بعد احمد شہزاد کو اسپتال لے جایا گیا جہاں ان کے سر پر فریکچر بتایا گیا ہے، احمد شہزاد آئندہ 48گھنٹے ڈاکٹرز کی نگرانی میں رہیں گے۔
