پرینیتی چوپڑا حال ہی میں عام آدمی پارٹی کے وزیر راگھو چھڈا سے منگنی کی وجہ سے خبروں کی زینت بنی رہی ہیں، جوڑے نے 13 مئی کو کپورتھلا ہائوس دہلی میں ایک دوسرے کو منگنی کی انگوٹھی پہنائی تھی۔
اب بھارتی اداکارہ کی ایک ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ وہ پاپا رازی فوٹو گرافر کی جانب سے تصاویر کھنچنے پر نالاں ہیں، پرینیتی نے فوٹوگرافر کو پوز دینے سے انکار کرتے ہوئے منہ دوسری طرف پھیر لیا۔
اداکارہ کی سیکیورٹی ٹیم پاپا رازی کو یہ کہتی سنائی دی کہ وہ تصاویر نہ کھینچے، تاہم سوشل میڈیا صارفین کو پرینیتی کی یہ حرکت کچھ خاص پسند نہیں آئی اور انھوں نے اداکارہ کے اس برتاؤ کو آرے ہاتھوں لے لیا۔
ایک صارف نے سوشل میڈیا کا سہارا لیتے ہوئے لکھا کہ اوور ایکٹنگ کی دکان، ایک نے لکھا کہ نیتا گری میں اترنے والی ہے یہ اب، کسی نے لکھا کہ اتنا بھی کیا بھاؤ کھانا، ایک صارف نے کہا کہ اپنی منگنی کے بعد سے یہ انگوٹھی ہی دکھاتی رہتی ہے، ارے بھائی ہم نے دیکھ لی اور کتنا دیکھیں۔
کچھ لوگوں نے ان کی حمایت میں بھی کمنٹس کیے ایک صارف کا کہنا تھا کہا اس سے قبل پرنیتی پاپا رازی کے لیے پوز دے چکی تھیں، اس بار انھوں نے ایسا نہیں کیا تو اس کی کوئی وجہ ہوگی۔
