لاہورہائیکورٹ نےپنجاب میں بلدیاتی انتخابات کیلئے حلقہ بندیوں کو غیرقانونی اور لوکل گورنمنٹ ایکٹ کی شق آٹھ اورنو کو کالعدم قرار دےدیا۔
جسٹس سید منصور علی شاہ کی سربراہی میں تین رکنی بنچ نے حلقہ بندیوں کیخلاف دائر اپیلوں کی سماعت کی۔درخواست گزاروں کی جانب سے مؤقف اختیار کیا گیا کہ حلقہ بندیاں ضلعی انتظامیہ کے افسران کے ذریعے حکمران جماعت کے مفادات کو مدنظر رکھتے ہوئے کرائی گئی ہیں۔
پنجاب حکومت کےوکیل نے دلائل دیئے کہ ہائیکورٹ کا دو رکنی بنچ حلقہ بندیوں کے حوالے سے صوبائی حکومت کے اختیار کو آئین کے مطابق قرار دے چکاہے، درخواستیں مسترد کر دی جائیں تاہم عدالت نےبلدیاتی حلقہ بندیوں کو غیر قانونی قراردیتے ہوئےحکومت کوقانون میں ترمیم اورمقررہ وقت میں انتخابات کرانے کی ہدایت کی۔
