نوٹیفکیشن منسوخ، بینکوں کی چھٹیوں سے متعلق نیا اعلان

اسٹیٹ بینک نے 21 جون کو جاری ہونے والا تعطیلات کا نوٹیفکیشن منسوخ کر دیا۔

اسٹیٹ بینک کے مطابق اب عیدالاضحیٰ پر بینکس 28 سے 30 جون تک بند رہیں گے۔ بینک بدھ سےجمعہ تک عام تعطیلات کے سبب بند رہیں گے۔

مرکزی بینک کا کہنا ہے کہ پیر 3 جولائی کو بینک ہالی ڈے کے باعث عام لین دین کیلئے بند رہیں گے۔

تمام بینک، ترقیاتی، مالی ادارے، مائیکروفنانس بینک عام لین دین کیلئے بند رہیں گے تاہم بینکوں، ترقیاتی مالی اداروں، مائیکروفنانس بینکوں کے ملازمین حسبِ معمول ڈیوٹی دیں گے۔

Comments