سپریم کورٹ میں مقدمے سے متعلق سابق چیف جسٹس جواد ایس خواجہ کا وضاحتی بیان آگیا۔
جسٹس (ر) جواد ایس خواجہ نے واضح کیا ہے کہ فوجی عدالتوں میں سویلینز کے ٹرائل سے متعلق میرا موقف نیا نہیں، 2015 میں بھی رائےتھی سویلینز کا فوجی عدالتوں میں ٹرائل نہیں ہو سکتا۔
جواد ایس خواجہ نے کہا کہ درخواست کو ذاتی معاملات قرار دینے والے مجھ سے واقف نہیں یا گمراہ کر رہے ہیں میری درخواست چیئرمین پی ٹی آئی کی حمایت میں نہیں ہے۔
ان کا کہنا تھا کہ حامد خان سے میری رفاقت 46 برس پرانی ہے حامد خان سے ان درخواستوں سے متعلق کوئی مشورہ نہیں ہوا میری درخواست مفاد عامہ میں دائر کی گئی ہے۔
واضح رہے کہ چیف جسٹس عمر عطا بندیال نے فوجی عدالتوں میں سویلین کے ٹرائل کیخلاف درخواستوں پر سماعت میں ریمارکس دیئے تھے توقع ہے سپریم کورٹ میں سماعت مکمل ہونے تک فوجی عدالتیں 9 مئی میں ملوث ملزمان کا ٹرائل شروع نہیں کریں گی۔
