روس یوکرین جنگ کے حوالے سے سعودی عرب اور روس کے سربراہان میں ٹیلی فونک گفتگو ہوئی ہے، جس میں خطے کی صورتحال اور دیگر امور پر تبادلہ خیال کیا گیا۔ْ
تفصیلات کے مطابق سعودی ولی عہد شہزادہ محمد بن سلمان نے منگل کو روس کے صدر ولادیمیر پوتن سے ٹیلی فون پر رابطہ کیا ہے۔
سرکاری خبر رساں ایجنسی ایس پی اے کے مطابق ٹیلی فون پر بات چیت کے دوران شہزدہ محمد بن سلمان نے روس میں جاری خانہ جنگی کو روکنے کی کوششوں میں کامیابی پر مملکت کی طرف سے اطمینان کا اظہار کیا۔
- Advertisement -
سعودی ولی عہد نے روسی فیڈریشن اور اس کے دوست عوام کےلیے سلامتی اور استحکام کی خواہش کا بھی اظہار کیا۔
روسی صدر ولادیمیر پوتن نے روس اور اس کے عوام کے لیے نیک جذبات کا اظہار کرنے پر سعودی ولی عہد کا تہہ دل سے شکریہ ادا کیا۔
