ایلون مسک ٹوئٹر صارفین پر نئی پابندیاں عائد کرنے جا رہے ہیں، اب ٹوئٹر صارفین دن میں محدود تعداد ہی میں پوسٹ پڑھ سکیں گے۔
تفصیلات کے مطابق ٹوئٹر صارفین کے لیے عارضی طور پر نئی حد بندیاں متعارف کرا دی گئیں، کمپنی مالک ایلون مسک نے ٹوئٹ میں بتایا کہ تصدیق شدہ اکاؤنٹ ہولڈر ایک دن میں 6 ہزار تک پوسٹ پڑھ سکیں گے۔
ایلون مسک کے مطابق غیر تصدیق شدہ اکاؤنٹس ہولڈر ایک دن میں 600 پوسٹ پڑھ سکیں گے، جب کہ نئے غیر تصدیق شدہ ٹوئٹر اکاؤنٹ ہولڈر ایک دن میں صرف 300 پوسٹ پڑھ سکتے ہیں۔
انھوں نے ٹوئٹ میں پوسٹ پڑھنے سے متعلق اس حد بندی کی وجہ بھی بتائی، اور کہا کہ ڈیٹا کے بے تحاشا کباڑ اور سسٹم میں ہیرا پھیری کی بہتات کے مسائل سے نمٹنے کے لیے انھوں نے عارضی حدود لاگو کر دی ہیں۔
Rate limits increasing soon to 8000 for verified, 800 for unverified & 400 for new unverified https://t.co/fuRcJLifTn
— Elon Musk (@elonmusk) July 1, 2023
ایک اور ٹوئٹ میں انھوں نے بتایا کہ مذکورہ حد کو جلد ہی تصدیق شدہ اکاؤنٹس کے لیے 8000، غیر تصدیق شدہ کے لیے 800 اور نئے غیر تصدیق شدہ اکاؤنٹس کے لیے 400 کر دی جائیں گی۔
