کراچی : پی آئی اے کی پہلی پرواز لاہور اور دوسری پرواز کراچی اور تیسری اسلام آباد پہنچ گئی، جس میں حجاج کرام کو وطن واپس لایا گیا۔
تفصیلات کے مطابق پی آئی اے کے بعد از حج آپریشن کا آغاز ہوگیا جس کے تحت حجاج کرام کی واپسی کا عمل شروع ہوگیا ہے۔
پی آئی اے کی پہلی پرواز 329 حجاج کو لے کرلاہور پہنچ گئی، حجاج کو پی آئی اے کی جانب سے پھولوں کے ہار پہنائے گئے
- Advertisement -
اس کے علاوہ پی آئی اے کی دوسری پرواز360 حجاج کرام کو لے کر کراچی پہنچ گئی، گورنر سندھ کامران ٹیسوری نے حجاج کرام کا استقبال کیا۔
پی آئی اے کی تیسری پرواز حجاج کرام کو لے کر اسلام آباد پہنچ گئی اس موقع پر پی آئی اے حکام نے حجاج کرام کا پرتپاک استقبال کیا۔
اس حوالے سے پی آئی اے کے ترجمان کا کہنا ہے کہ پی آئی اے کا بعد از حج آپریشن 2 اگست تک جاری رہے گا۔
