شکارپور: گڑھی یاسین گرڈ اسٹیشن پر مسلح افراد نے حملہ کر کے 2 سیپکو ملازمین کو زخمی کر دیا۔
تفصیلات کے مطابق بجلی بحال نہ ہونے پر سندھ کے شہر شکارپور میں گڑھی یاسین گرڈ اسٹیشن پر مسلح افراد نے حملہ کر دیا، جس سے دو ملازمین زخمی ہو گئے۔
ایس ڈی او گڑھی یاسین کے مطابق مسلح افراد نے سیپکو ملازمین کو بجلی بحال نہ کرنے پر جان سے مارنے کی دھمکیاں دیں، انھوں نے کہا کہ 25 سے زائد موٹر سائیکل سوار ملزمان نے سیپکو آفس میں توڑ پھوڑ کی۔
ایس ڈی او کے مطابق گرڈ اسٹیشن پر حملے کی پولیس کو بروقت اطلاع کر دی گئی تھی، لیکن وہ موقع پر نہیں پہنچی۔
