تورغر : وزیراعظم شہباز شریف نےتورغر بونیرشاہراہ، بونیر کڑاکڑ رابطہ سرنگ اور تورغر بنیرآرسی سی پل کا سنگ بنیاد رکھ دیا اور کہا ضلع تورغرمیں ترقی کانیادورشروع ہوگا۔
تفصیلات کے مطابق وزیراعظم شہباز شریف نے خیبر پختونخوا کے ضلع تور غر کادورہ کیا، جہاں انھوں نے تورغر بونیرشاہراہ، بونیر کڑاکڑ رابطہ سرنگ اور تورغر بونیرآر سی سی پل کا سنگ بنیاد رکھا۔
وفاقی وزیراطلاعات مریم اورنگزیب ، مشیروزیراعظم انجینئر امیر مقام اور کیپٹن (ر) صفدر بھی وزیراعظم کے ہمراہ تھے۔
کیپٹن(ر) صفدر نے وزیراعظم شہبازشریف کو مختلف ترقیاتی منصوبوں پر بریفنگ دی، جس کے بعد وزیراعظم نے گفتگو کرتے ہوئے کہا کہ ضلع تورغرمیں ترقی کانیادورشروع ہوگا، نوازشریف نےاپنےدورمیں یہاں تاریخی منصوبےشروع کئے لیکن سابقہ حکومت نےمنصوبوں کوسردخانےمیں ڈال دیاتھا۔
شہباز شریف کا کہنا تھا کہ نوازشریف کےمنصوبوں کوآگےبڑھایاجارہاہے، بجٹ میں منصوبوں کےلیےرقم مختص کردی ہے، وفاقی حکومت منصوبوں کی تکمیل میں صوبوں کی معاونت کرے گی۔
