ٹیسٹ سیریز کے معرکے کے لیے پاکستانی قومی کرکٹ ٹیم نے سری لنکا میں ڈیرے ڈال لیے، ٹیم سیریز کے لیے کولمبو پہنچ گئی۔
اے آر وائی نیوز کے مطابق ٹیسٹ سیریز کے لیے پاکستان کی قومی کرکٹ ٹیم کولمبو پہنچ گئی، دورہ سری لنکا کے آغاز میں قومی ٹیم ہمبن ٹوٹامیں 2 روزہ وارم اپ میچ کھیلے گی جو ک 11 جولائی کو شیڈول ہے۔
پاکستان اور سری لنکا کی ٹیموں کے درمیان پہلا ٹیسٹ 16 جولائی سے شروع ہوگا جب کہ سیریز کا دوسرا ٹیسٹ 24 جولائی سے کولمبو میں کھیلا جائے گا۔
اس سے قبل دورہ سری لنکا کے سلسلے میں کراچی میں پاکستان کرکٹ ٹیم کے تربیتی کیمپ کا انعقاد ہوا تھا، جس میں قومی ٹیم کے کپتان بابر اعظم، محمد رضوان، سرفراز احمد اور نسیم شاہ سمیت 16 کھلاڑی شریک ہوئے تھے۔
