صادق آباد : ڈاکوؤں نے گشت پر مامور پولیس موبائل پر فائرنگ کردی جس کے نتیجے میں 3 پولیس اہلکار شدید زخمی ہوگئے۔
واقعہ جمال الدین والی کے علاقے میں پیش آیا، ڈاکوؤں کی فائرنگ سے زخمی ہونے والے تینوں پولیس اہلکاروں کو ابتدائی طبی امداد کیلئے تحصیل ہیڈ کواٹر کے اسپتال منتقل کیا گیا۔
اسپتال ذرائع کے مطابق زخمی اہلکاروں میں سے ایک کی حالت تشویشناک ہے، پولیس کی موبائل معمول کے گشت پر تھی کہ ڈاکوؤں نے اچانک فائرنگ کردی۔
اے آر وائی نیوز کے نمائندے محمد زاہد حسین کے مطابق واقعے کے بعد علاقے کو پولیس کی بھاری نفری نے گھیرے میں لے لیا، ملزمان کی گرفتاری کیلئے سرچ آپریشن کیا جارہا ہے۔
