کراچی: محکمہ موسمیات نے کراچی میں آج شہر کے مختلف علاقوں میں بوندا باندی کی پیش گوئی کی ہے۔
تفصیلات کے مطابق کراچی شہر کا موسم آج بھی گرم اور مرطوب رہے گا، زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ موجودہ درجہ حرارت 30 ڈگری سینٹی گریڈ ریکارڈ کیا گیا، ہوا میں نمی کا تناسب 72 فی صد، ہوا 8 نارٹیکل مائل کی رفتار سے مغرب کی سمت سے چل رہی ہے، جب کہ آج شہر کے مختلف علاقوں میں بوندا باندی کا امکان ہے۔
- Advertisement -
محکمہ موسمیات کے مطابق گزشتہ روز نارتھ کراچی میں بارش 4.0 ملی میٹر ریکارڈ کی گئی، گلشن حدید میں بارش 3.0 ملی میٹر ریکارڈ کی گئی، سرجانی ٹاؤن میں 1.0 ملی میٹر اور گلشن معمار میں 2.5 ملی میٹر بارش ریکارڈ کی گئی۔
