تھر: تھرپار کر میں بھوک ماؤں کی گودیں اجاڑرہی ہے، آج ایک اور نومولود جاں بحق ہوگئی۔
تھر میں بھوک اور افلاس مزید ایک نومولود کی جان لے لی، مرنے والے بچوں کی تعداد چون ہوگئی، ضلع تھر پار کی ننھی کلیاں کھلتی نہیں کہ بھوک و افلاس اُن کو موت کی آغوش میں دھکیل دیتی ہیں، ماؤں کی سُونی ہوتی گود حکومتی اقدامات کی فریاد کررہی ہیںٕ، حکومتی ہدایات اور اعلانات کے باوجود بچوں کی ہلاکتوں کو نہ روکا جا سکا۔
ضلع ہیڈ کواٹر مٹھی کے سول اسپتال میں بھوک نے آج ایک اور بچے کی جان لے لی، اسپتال ذرائع کے مطابق تینتالیس دن میں مٹھی کے سول اسپتال میں مرنے والے بچوں کی تعداد چون تک پہنچ گئی ہے۔
اسپتال انتظامیہ کے مطابق متعدد بچے تاحال زیرِ علاج اور حکومتی اقدامات کے منتظر ہیں۔
