اسلام آباد : وزیراعظم شہباز شریف اور بل گیٹس نے تعاون اور اشتراک عمل سے کام جاری رکھنے پر اتفاق کرلیا۔
تفصیلات کے مطابق وزیراعظم شہباز شریف اور بل گیٹس کے درمیان ٹیلیفونک رابطہ ہوا، جس میں وزیراعظم اور بل گیٹس نے صحت عامہ اور سیکٹر پروگرامز سے متعلق گفتگو کی۔
وزیراعظم نے بل اینڈملینڈاگیٹس فاؤنڈیشن کی پاکستان میں خدمات کوسراہتے ہوئے کہا کہ پولیو اور مہلک بیماریوں سے بچاؤ اور غذائیت کی کمی پرقابوپاناحکومت کی ترجیح ہے۔
وسائل میں سب کی شمولیت کیلئےموجودہ حکومت خصوصی توجہ دےرہی ہے،مل کرجاری تعاون کو مزید بہتراورنتیجہ خیز بنانا چاہتے ہیں۔
بل گیٹس نے پولیو کے خاتمے کے لئے پاکستان کی کوششوں کو سراہتے ہوئے کہا کہ پاکستان کی بھرپور مدد جاری رکھیں گے۔
وزیراعظم اور بل گیٹس نے تعاون اور اشتراک عمل جاری رکھنے پر اتفاق کرلیا۔
