جھارکنڈ: بھارتی ریاست میں ٹیچر کے تھپڑ مارنے پر دسویں جماعت کی ایک طالبہ نے انتہائی اہم قدم اٹھا لیا۔
بھارتی میڈیا رپورٹ کے مطابق یہ واقعہ بھارت کی ریاست جھارکھنڈ میں پیش آیا، جہاں ٹیچر کے تھپڑ مارنے پر دسویں جماعت کی ایک طالبہ نے خودکشی کر لی۔
بھارتی میڈیا کے مطابق ٹیچر نے 16 سالہ طالبہ اُوشا کماری کو اس بات پر تھپڑ مارا تھا کہ وہ اسکول میں ماتھے پر بندیا لگا کر آئی تھی۔
- Advertisement -
بھارتی میڈیا کے مطابق پولیس نے بتایا ہے کہ لڑکی نے اسکول سے گھر آنے کے بعد پنکھے سے لٹک کر خودکشی کی۔
پولیس کا کہنا ہے کہ خودکشی کرنے والی لڑکی نے ایک نوٹ بھی لکھا تھا جس میں اس نے اس واقعے کا ذمے دار اسکول کی ٹیچر اور پرنسپل کو ٹھہرایا ہے جس کے بعد پرنسپل اور تھپڑ مارنے والی ٹیچر کو گرفتار کر لیا گیا ہے۔
