راولپنڈی: آن لائن ایپ کی بلیک میلنگ سے تنگ آکر خودکشی کرنے والے مسعود کا آخری آڈیو پیغام میں کہا کہ میرے پاس کوئی اور راستہ نہیں، آئی ایم سوری۔
تفصیلات کے مطابق راولپنڈی میں آن لائن ایپ سے قرض لینے والے نے خودکشی کرلی، دو بچوں کے بیالیس سالہ باپ مسعود نے موت کو گلے لگانے سے پہلے آڈیو پیغام ریکارڈ کیا۔
مسعود نے آخری آڈیو میں خودکشی کی وجہ بتاتے ہوئے بیوی سے معافی مانگی اور کہا کہ جن کو قرض دینا ہے انہوں نے جینا حرام کر رکھا ہے، بہت سارے لوگوں کے سود کے پیسے دینے ہیں ، خودکشی کے علاوہ کوئی اور راستہ نہیں، آئی ایم سوری
مسعود نے بتایا لون ایپ سے بائیس ہزار روپے لیا تھا، جو واپس نہ کرسکا، لون کمپنی کی جانب سےسنگین نتائج کی دھمکیاں دی جارہی ہیں۔
دوسری جانب آن لائن لون ایپ کےنمائندے کی مسعود کے بھانجےسے فون پر گفتگو بھی سامنے آگئی ہے ، نمائندہ دھمکیاں دے رہا ہے۔
آن لائن ایپ نمائندہ کا کہنا تھا کہ مذاق بنارکھاہےم تم سب فراڈیے ہو، سب باہر نکلو گے، ساری معلومات ہیں ہمارے پاس۔
یاد رہے مسعود کی بیوہ نے بتایا تھا کہ نوکری چھوٹی تو شوہر نے تیرہ ہزار روپے قرض لیا، سود بڑھا تو قرض اتارنے کے لیے مزید قرضہ لیا۔
