ایف بی آر کسٹمز انٹیلی جنس اینڈ انویسٹی گیشن نے کراچی میں بڑی کارروائی کرتے ہوئے کروڑوں روپے مالیت کی اسمگل شدہ الیکٹرونک سگریٹس برآمد کرلیں۔
اے آر وائی نیوز کے مطابق ایف بی آر کسٹمز انٹیلی جنس اینڈ انویسٹی گیشن نے خفیہ اطلاع پر شاہراہ فیصل پر قائم ایک عمارت میں چھاپہ مار کارروائی کے دوران اسمگل شدہ الیکٹرونک سگریٹ کی بھاری مقدار ضبط کرلی۔
ڈائریکٹر کسٹمز انٹیلیجنس حبیب احمد کی ہدایت پر اسمگلنگ ٹیم نے عمارت پر چھاپہ مارا اور 20 ہزار سے زائد اسمگل شدہ الیکٹرونک سگریٹس، ان کے پارٹس اور فلیور برآمد کیا۔
ضبط کیے گئے اسمگل شدہ سامان کی مالیت 9 کروڑ روپے سے زائد ہے۔ اسمگل شدہ سامان کا مالک اس کی قانونی درآمد کی دستاویز پیش نہیں کر سکا۔ انٹیلیجنس ٹیم نے مالک کو گرفتار کر کے مقدمہ درج کرلیا۔ ملزم سے دیگر ساتھیوں کے حوالے سے تفتیش کی جا رہی ہے۔
ڈی جی کسٹمز انٹیلیجنس حبیب احمد کے مطابق یہ ملکی تاریخ میں یہ سب سے بڑی کارروائی ہے جس کو ایف بی آر اینٹی اسمگلنگ کراچی کی ٹیم نے ناکام بنا دیا۔
