کراچی : پاکستان کے زرمبادلہ ذخائر 9 ارب 83 کروڑ85 لاکھ ڈالر کی سطح پر پہنچ گئے، ایک ہفتے کے دوران ذخائر میں 6 کروڑ ڈالرز سے زائد کا اضافہ ہوا۔

تفصیلات کے مطابق اسٹیٹ بینک آف پاکستان کی جانب سے بیان میں کہا گیا کہ ایک ہفتےمیں مرکزی بینک کے ذخائر میں 6 کروڑ ڈالرز سے زائد کا اضافہ ہوا۔

جس کے بعد ملک کے مجموعی ذخائرکی مالیت نو ارب تراسی کروڑ پچاسی لاکھ ڈالرکی سطح پرپہنچ گئی جبکہ مرکزی بینک کے ذخائر 4 ارب 52 کروڑ 40 لاکھ ڈالرز اور کمرشل بینکوں کےذخائر 5ارب31کروڑ45لاکھ ڈالرز تک پہنچ گئے۔

مرکزی بینک نے بتایا کہ رواں ہفتےسعودی عرب سے 2ارب ڈالر ، آئی ایم ایف سے 1ارب20کروڑ ڈالر اور عرب امارات سے1ارب ڈالرموصول ہوئے، رقوم کو آئندہ ہفتےجاری اعدادو شمار میں شامل کیا جائے گا۔