پشاور : خیبرپختونخوا کے شہر پشاور کے علاقے حیات آباد میں خودکش دھماکے کی اطلاعات موصول ہوئی ہیں، جس کے نتیجے میں 8 افراد زخمی ہوئے۔
اطلاع ملتے ہی قانون نافذ کرنے والے اداروں کے اہلکاروں نے علاقے کو چاروں طرف سے گھیرے میں لے لیا۔ پولیس حکام کےمطابق ابتدائی تحقیقات کے مطابق دھماکا خود کش ہوسکتا ہے۔
بعد ازاں میڈیا سے گفتگو میں ایس پی کینٹ وقاص رفیق نے خود کش دھماکے کی تصدیق کرتے ہوئے کہا کہ یہ خودکش دھماکا ہے تاہم یہ کہنا قبل از وقت ہوگا کہ اس میں کتنا بارودی مواد استعمال ہوا ہے۔ دہشت گردوں کا ٹارگٹ سیکیورٹی اہلکار تھے۔
ایس پی کینٹ کے مطابق دھماکا ایف سی کی گاڑی کے قریب ہوا ہے خود حملہ آور نے خود کو گاڑی سے ٹکرا کر دھماکے سے اڑالیا ہے جس کے نتیجے میں گاڑی میں بیٹھے آٹھ اہلکار زخمی ہو گئے۔
ان کا کہنا تھا کہ دہشت گردوں کا ہدف سیکیورٹی اہلکار تھے۔ زخمیوں کو فوری طبی امداد کیلئے اسپتال منتقل کردیا گیا جن میں سے دو کی حالے تشویشناک بتائی جارہی ہے۔
