پاکستان کے سوشل میڈیا پر ملک کے نامور دانشور، مصنف، ٹی وی میزبان اور اداکار انور مقصود کے جعلی پیغامات گردش کرتے رہتے ہیں جن پر ان کے بیٹے بلال نے تشویش کا اظہار کیا ہے۔
دنیا میں جب سے سوشل میڈیا نے انٹری دی ہے تب سے غیر مصدقہ خبریں تیزی سے پھیل کر معاشرے میں افراتفری اور غلط فہمیاں پیدا کر رہی ہیں۔ اکثر مشہور شخصیات کے جعلی سوشل میڈیا اکاؤنٹس سے متنازع ٹوئٹس منظر عام پر آتی رہتی ہیں جن کی بعد ازاں متاثرہ شخصیات کی جانب سے تردید بھی ہوتی رہتی ہے۔
پاکستان کی بھی کئی نامور شخصیات کے جعلی سوشل میڈیا اکاؤنٹس ہیں جو ان کے لیے پریشانی کا باعث بنتے ہیں ایسی ہی ایک شخصیت ملک کے نامور دانشور، مصنف، ٹی وی میزبان اور اداکار انور مقصود کی ہے.
انور مقصود جو اپنے اکثر بیانات اور تقاریر میں سیاست دانوں اور اسٹیبلشمنٹ پر طنز کے تیر برساتے رہتے ہیں جن سے عام عوام کے ساتھ حس مزاح رکھنے والی شخصیات بھی محظوظ ہوتی ہیں تاہم کچھ عرصہ سے سوشل میڈیا بالخصوص ٹوئٹر پر اُن کے نام سے بننے والے جعلی اکاؤنٹس اور جعلی ٹویٹس اب ان کے بیٹے بلال مقصود کے لیے تشویش کا باعث بن گئی ہیں اور انہوں نے اس پر اپنی تشویش کا بھی اظہار کرتے ہوئے کہا کہ اس سے ان کے والد کو خطرہ ہے۔
These kinds of fake tweets only put my Abbu’s life in danger. This guy has already blocked me. Please can you all report this account. Abbu does not post anything on social media. His actual account has only 3 posts. We made that account so we can report all the fake ones. pic.twitter.com/BP5G749sEy
— Bilal Maqsood (@bilalxmaqsood) July 19, 2023
بلال مقصود نے اپنے ٹوئٹر اکاؤنٹ پر والد انور مقصود کے ایک جعلی ٹوئٹ کا اسکرین شاٹ شیئر کرتے ہوئے لکھا ہے کہ ’ایسی فیک ٹویٹس کی وجہ سے میرے والد کی زندگی خطرے میں پڑتی ہے۔ اس شخص (جس نے انور مقصود کے نام سے جعلی اکاؤنٹ بنایا ہوا ہے) نے مجھے پہلے سے ہی بلاک کیا ہوا ہے۔ براہ کرم کیا آپ سب اس کا اکاؤنٹ رپورٹ کر سکتے ہیں؟ ابو سوشل میڈیا پر کچھ بھی پوسٹ نہیں کرتے۔ اُن کے اصلی اکاؤنٹ سے صرف تین پوسٹس کی گئی ہیں۔ ہم نے اس وجہ سے اکاؤنٹ بنایا تاکہ ہم جعلی اکاؤنٹس کو رپورٹ کر سکیں۔‘
بلال مقصود نے کچھ عرصہ قبل فوٹو اینڈ ویڈیو شیئرنگ پلیٹ فارم انسٹاگرام پر ایک ویڈیو شیئر کی تھی جس میں انہوں نے بتایا تھا کہ انور مقصود نوکیا کا سادہ یعنی بٹن والا فون استعمال کرتے ہیں۔
I’m posting this new video with the actual username so there’s no room for confusion. Please report all other fake accounts. Thank you. pic.twitter.com/X2RZCvHI7x
— Anwar Maqsood (@AnwarMaqsood01) June 8, 2020
اس سے قبل 2020 میں انور مقصود نے اپنے ویڈیو پیغام میں بتایا تھا کہ ٹوئٹر پر ’اُن کا صرف ایک ہی اکاؤنٹ ہے۔‘
Please don't drag such seniors into that filth https://t.co/yUtIwnNRdJ
— Fariya Kashif (@FariyaKashif) July 19, 2023
دوسری جانب بلال مقصود کی اپنے والد کے بارے میں ٹویٹ پر صارفین نے بھی تبصرے کرتے ہوئے اظہار خیال کیا ہے فاریہ کاشف نامی ایک صارف نے کہا کہ براہ کرم ایسے سینیئرز کو اس گند میں نہ گھسیٹیں۔
Fake news/accounts can endanger someone’s life. It’s our responsibility to be completely sure before we retweet or share anything on Social Media. @bilalxmaqsood #AnwarMaqsood https://t.co/NVB8yOC8JS
— Zunaira Azhar (@ZunairaAzhar10) July 19, 2023
زنیرہ اظہر نے لکھا کہ فیک نیوز/اکاؤنٹس کسی کی زندگی خطرے میں ڈال سکتے ہیں۔ یہ ہماری ذمہ داری ہے کہ ہم سوشل میڈیا پر کچھ بھی ریٹویٹ یا شیئر کرنے سے پہلے اس کی یقین دہانی کر لیں۔
