ٹوئٹر کے مالک ایلون مسک نے اعلان کیا ہے کہ سوشل میڈیا پلیٹ فارم میں نیلے پرندے (چڑیا) کا معروف لوگو اب ماضی کا قصہ بننے جا رہا ہے، ایلون مسک چڑیا اور دوسرے پرندوں کو جلد خداحافظ کردیں گے۔
تفصیلات کے مطابق ٹوئٹر کے کا جانا مانا چڑیا والا لوگو تبدیل ہونے جارہا ہے، ایلون مسک نے تصدیق کی کہ جلد ٹوئٹر کا لوگو "ایکس” ہوجائے گا۔ یہ اکتوبر 2022 میں ایلون مسک کی ملکیت میں جانے کے بعد ٹوئٹر کی سب سے بڑی تبدیلی ہوگی۔
And soon we shall bid adieu to the twitter brand and, gradually, all the birds
— Elon Musk (@elonmusk) July 23, 2023
انہوں نے اپنے تازہ ٹوئیٹ میں کہا ہے کہ جلد ٹوئٹر کے برانڈ اور تمام پرندوں کو بائے بائے کردیں گے، اگر ایکس لوگو اچھا ہوا تو وہ آج شب (23 جولائی کی شب) پوسٹ کیا جائے گا اور اسے 24 جولائی کو لائیو کر دیا جائے گا۔
اس کے علاوہ انہوں نے پرانے ملازمین کیلئے بھی خطرے کی گھنٹی بجادی۔ پرندوں سے مراد ٹوئٹر کے پرانے ملازم لیے جارہے ہیں، جنہوں نے ٹوئٹر کی چڑیا والے لوگو کے ساتھ اس ادارے کی بنیاد رکھی تھی۔
If a good enough X logo is posted tonight, we’ll make go live worldwide tomorrow
— Elon Musk (@elonmusk) July 23, 2023
یاد رہے کہ اپریل 2023 میں ٹوئٹر کی نئی چیف ایگزیکٹو لینڈا یاکارینو کی تعیناتی کا اعلان کرتے ہوئے ایلون مسک نے کہا تھا کہ وہ اس پلیٹ فارم کو ’’ایکس‘‘ میں تبدیل کرنے کے لیے کام کریں گی، جو ایک سپر ایپ ہوگی۔
— Elon Musk (@elonmusk) July 23, 2023
اس سے قبل رواں سال اپریل میں عارضی طور پر ٹوئٹر کے روایتی لوگو کو ڈوگی کوائن کے کتے والے لوگو سے تبدیل کیا گیا تھا۔