کولمبو ٹیسٹ میں بارش کی انٹری کے باعث کھیل روکنا پڑا، قومی کرکٹ ٹیم کو دوری اننگز میں 12 رنز کی برتری مل گئی۔
تفصیلات کے مطابق بابر اعظم اور اسد شفیق نے دوسرے دن عمدگی سے کھیل کا آغاز کیا اور پاکستان کا اسکور دو وکٹوں پر 178 رنز تک پہنچا دیا ہے ، تاہم اس دوران برسات کے سبب میچ روک دیا گیا ہے۔
اس وقت اسد 87 اور بابر 28 رنز بنا کر کریز پر موجود ہیں جب کہ پاکستان کو سری لنکا پر 12 رنز کی سبقت حاصل ہو گئی ہے۔
پاکستان نے کل کھیل کے اختتام تک اپنی پہلی اننگز میں دو وکٹوں کے نقصان پر 145 رنز بنائے تھے، بابراعظم اور اسد شفیق نے وہیں سے اننگز کی شروعات کرتے ہوئے عمدہ بیٹنگ کا مظاہرہ کیا.
اسد شفیق نے کل ہی نصف سنچری اسکور کرنے میں کامیاب ہوگئے تھے جب کہ شان مسعود نے بھی تیزی سے کھیلتے ہوئے 44 گیندوں پر نصف سنچری بنائی، اوپنر امام الحق 6رنز بناکر آؤٹ ہوئے تھے۔
واضح رہے کہ سری لنکا اور پاکستان کے درمیان سیریز کے دوسرے اور آخری ٹیسٹ میچ کی پہلی اننگز میں سری لنکا کی مکمل ٹیم 166 رنز بناکر آؤٹ ہوگئی، پاکستان کی جانب سے اسپنر ابرار احمد نے 4 اور فاسٹ بولر نسیم شاہ نے تین کھلاڑیوں کو آؤٹ کیا تھا۔
