موسمیاتی تبدیلی کے پیشِ نظر یورپ کے 9 ممالک کے جنگلات آگ کی زد میں ہیں جس سے 40 سے زائد افراد ہلاک ہو گئے۔
بحریہ روم کے خطے میں شدید گرم موسم اور ہیٹ ویوز کے باعث مختلف جنگلات میں بھڑکنے والی آگ سے 40 سے زائد افراد ہلاک ہوگئے، سب سے زیادہ چونتیس ہلاکتیں الجزائر میں ہوئیں جہاں مرنے والوں میں دس فوجی اہلکار بھی شامل ہیں۔
آگ شدید گرم موسم اور ہیٹ ویوز کے سبب شام، الجزائر، تیونس، یونان اور اٹلی کے جنگلات اور دیگر مقامات پر لگی ہوئی ہے، متاثرہ علاقوں سے ہزاروں افراد کی نقل مکانی کا سلسلہ جاری ہے۔
متاثرہ علاقوں میں 8 ہزار سے زائد فائر فائٹرز آگ بجھانے میں مصروف ہیں، تاہم گرمی اور تیز ہوائیں موسم متاثرہ علاقوں میں آگ بجھانے میں رکاوٹ ہیں۔
یونان کے سیاحتی جزیرے پر لگی آگ بے قابو ہوگئی، ہزاروں لوگوں کی نقل مکانی
واضح رہے کہ موسمیاتی تبدیلیوں کا شاخسانہ زمین اور اس پر بسنے والے انسانوں کو قیامت خیز گرمی، شدید بارشوں، سیلاب اور سمندری طوفانوں کی صورت برداشت کرنا پڑ رہا ہے اور یہ آفات کسی ایک خطہ زمین نہیں بلکہ دنیا بھر میں تباہی پھیلا رہی ہیں۔ یہ تباہی اس قدر ہولناک ہوچکی ہے کہ ایک ہی ملک میں کہیں بارش برس رہی ہے تو کہیں آسمان سے گرمی کی صورت آگ برس رہی ہے۔
اس وقت یورپ اور امریکا شدید گرمی کی لپیٹ میں ہیں۔ یونان، کینیڈا اور واشنگٹن کے جنگلات میں لگی آگ خوفناک شکل اختیار کر چکی ہے تو دوسری جانب مشرقی چین میں بھی سیلاب نے تباہی مچا رکھی ہے اور کئی افراد اپنی جان سے جا چکے ہیں۔
یورپ میں موسمیاتی تبدیلی کے خطرناک اثرات پر سائنسدان کیا کہتے ہیں؟
افغانستان اور بھارت میں بھی طوفانی بارشیں قہر ڈھا رہی ہیں۔ پاکستان میں بھی اس سال بارشوں اور سیلاب سے 131 سے زائد افراد جاں بحق ہوچکے ہیں۔
