لاہور : اسلامیہ یونیورسٹی بہاولپور اسکینڈل کی تحقیقات کے لئے جوڈیشل کمیشن بنانے کیلئے درخواست دائر کردی گئی۔
تفصیلات کے مطابق اسلامیہ یونیورسٹی بہاولپور اسکینڈل کے معاملے کی انکوائری کیلئے جوڈیشل کمیشن بنانے کیلئے لاہورہائیکورٹ میں درخواست دائر کردی گئی۔
مشکور حسین نے ندیم سرور ایڈووکیٹ کی وساطت سے درخواست دائر کی ، جس میں مؤقف اختیار کیا گیا کہ اسلامیہ یونیورسٹی بہاولپور میں افسوسناک اسکینڈل سامنے آیا ، منشیات،نازیباب ویڈیوزاسکینڈل میں یونیورسٹی چیف سیکیورٹی افسرکوگرفتار کیا گیا۔
درخواست میں استدعا کی گئی کہ معاملہ انتہائی حساس ہے،انکوائری کیلئےجوڈیشل کمیشن بنانے کا حکم دیا جائے اور معاملے کی پیش رفت رپورٹ طلب کر کےخودتحقیقات کی نگرانی کی جائے۔
