پاک فوج کے لسبیلہ ہیلی کاپٹر حادثے کو ایک سال مکمل ہوگیا ، المناک حادثے میں لیفٹیننٹ جنرل سرفراز علی، بریگیڈیئر امجد حنیف، بریگیڈیئرمحمد خالدشہید ہوگئے تھے۔
تفصیلات کے مطابق پاک فوج کے لسبیلہ ہیلی کاپٹر حادثے کو ایک سال بیت ہوگیا، المناک حادثے میں کورکمانڈر کوئٹہ لیفٹیننٹ جنرل سرفرازعلی، بریگیڈیئر امجد حنیف، بریگیڈیئر محمد خالد، پائلٹ میجرسعید احمد، میجرمحمد طلحہ اور نائیک مدثر فیاض شہید ہوئے تھے۔
یکم اگست دوہزار بائیس کو لسبیلہ کےمقام پرپاک فوج کی جانب سےسیلاب متاثرین کی امداد کیلئے ہیلی کاپٹرروانہ کیا گیا، ریسکیومشن کی قیادت لیفٹیننٹ جنرل سرفرازعلی کررہے تھے۔
موسم کی خرابی کے باعث ہیلی کاپٹر حادثے کا شکارہوا، اس دردناک حادثے نے ہرآنکھ اشک بارکر دی جب کہ ملک کی فضا کئی دن تک سوگواررہی۔
کور کمانڈر لیفٹیننٹ جنرل سرفرازعلی شہید انتہائی پروفیشل آفیسر تھے اور پاک فوج میں اہم ترین عہدوں پرتعینات رہے ، نومبر2020 میں انہیں تھری اسٹارجنرل کےعہدےپرترقی دی گئی جبکہ اس سے قبل دسمبر 2020 میں کورکمانڈرکوئٹہ تعینات کیا گیا تھا۔
پاک فوج ملک وقوم کی ہرمشکل گھڑی میں ہرممکن مدد کیلئے ہر دم تیار رہی ہے اور رہےگی اور کسی بھی قربانی سے دریغ نہیں کرے گی۔
