کراچی: صوبہ سندھ کے وزیر اطلاعات شرجیل میمن نے آج سے کراچی کے لئے مزید ایک روٹ پر پیپلز بس سروس چلانے کا اعلان کردیا۔
صوبائی وزیر شرجیل انعام میمن کے مطابق نیا روٹ آر 12کھوکھرا پار تا صدر 35 کلو میٹر پر محیط ہوگا، روٹ آر 12 پر بس سروس آج سہ پہر 3 بجے باضابطہ طور پر شروع ہوگی۔
وزیر ٹرانسپورٹ کے مطابق بس سعودآباد، کالابورڈ، قائدآباد، لانڈھی، کورنگی، قیوم آباد اور ایف ٹی سی سی سمیت مختلف علاقوں سےگزرے گی۔
- Advertisement -
اس موقع پر شرجیل میمن کا کہنا تھا کہ حکومتی مدت کے خاتمے کے باوجود نئی بسز کی آمدکا سلسلہ جاری رہے گا،کراچی کے عوام نئی بسز سے مستفید ہو سکیں گے۔
صوبائی وزیر شرجیل انعام میمن نے مزید کہا کہ پی پی حکومت کا مقصد شہریوں کو آسان سفری سہولتیں دینا ہے۔
