انگلینڈ کے مایہ ناز فاسٹ بولر اسٹیورٹ براڈ ریٹائر ہوگئے لیکن آخری ٹیسٹ میں بیلز پلٹ کر وہ جادوگری دکھائی کہ حریف ٹیم کو ٹھکانے لگا دیا۔
اوول میں کھیلا گیا ٹیسٹ ایشیز سیریز کا آخری مگر تاریخی ٹیسٹ تھا جس میں انگلینڈ کے مایہ ناز فاسٹ بولر اسٹیورٹ براڈ آخری بار کھیل کے میدان میں اترے اور انگلش ٹیم نے یہ میچ جیت کر 16 سالہ کرکٹ کریئر کو الوداع کہنے والے براڈ کو شاندار تحفہ دیا۔
تاہم اس میچ میں براڈ نے کمال جادوگری کا مظاہرہ کیا اور حریف بلے بازوں کو آؤٹ کرنے کے لیے دلچسپ ٹوٹکے کرکے دیکھنے والوں کو حیران کر دیا۔
براڈ نے اوول ٹیسٹ میں آسٹریلیا کی پہلی اننگ میں بلے باز لبوشین 9 رنز کے انفرادی اسکور کے ساتھ کریز پر تھے کہ گلی میں فیلڈنگ کرنے والے براڈ اچانک بیٹنگ اینڈ پر آئے اور وکٹ پر رکھی بیلز جو اُلٹ پلٹ کر رکھ دیا ہے جس کے بعد اگلی ہی گیند پر ووڈ نے لبوشین کی وکٹ لے لی۔
: Stuart Broad
: Mind Games ExtraordinaireIncredible, Broady #EnglandCricket | #Ashes pic.twitter.com/MdeuNgrN2F
— England Cricket (@englandcricket) July 28, 2023
اسٹیورٹ براڈ نے یہ ٹوٹکا میچ کے آخری روز بھی آزمایا جب دوسری بار بیلز کو چھو کر بلے باز کو ایسا چھومنتر کیا کہ وہ بھی آگے نہ چل سکا۔ بیلز چھوتے ہی ٹوڈ مرفی اسٹورٹ براڈ کی آخری انٹرنیشنل وکٹ بن گئے۔
Stuart Broad, there are no words.#EnglandCricket| #Ashes pic.twitter.com/yy2MQmviBk
— England Cricket (@englandcricket) July 31, 2023
براڈ کے کیریئر کا آغاز ’’ڈراؤنا‘‘ مگر اختتام خوشگوار ہوا
اس میچ میں اسٹیورٹ براڈ نے مجموعی طور پر چار وکٹیں اپنے نام کیں اور 604 ٹیسٹ وکٹوں کے ساتھ اپنے شاندار کیریئر کا اختتام کیا۔
