لاہور: ایل پی جی ڈسٹری بیوٹر ایسوسی ایشن کی ہڑتال کے معاملے پر آئل اینڈ گیس ریگولیٹری اتھارٹی (اوگرا) کے چیئرمین مسرور خان نے ہڑتال کا نوٹس لے لیا ہے۔
تفصیلات کے مطابق اوگرا حکام نے ایل پی جی ڈسٹری بیوٹرز ایسوسی یشن کے عہدے داروں کو آج مذاکرات کے لیے بلا لیا ہے۔
چیئرمین اوگرا کی ڈائریکٹر ان فورسمنٹ کو عرفان کھوکھر سے مذاکرات کی ہدایت جاری کردی تاہم ایل پی جی ڈسٹری بیوٹرز ایسوسی ایشن اور اوگرا میں مذاکرات آج لاہور میں ہونگے۔
- Advertisement -
واضح رہے کہ ایل پی جی ڈسٹری بیوٹرز ایسوسی ایشن نے 5 اور 6 اگست کو ملک گیر ہڑتال کا اعلان کر رکھا ہے۔
چیئرمین ایل پی جی ڈسٹری بیوٹرز ایسوسی ایشن عرفان کھوکھرکا اس حوالے سے کہنا تھا کہ ایل پی جی کمپنیاں حکومتی نرخوں پر ڈسٹری بیوٹرز کو گیس فراہم نہیں کر رہی ہیں۔
