اسلام آباد:وزیر اعظم محمد شہباز شریف کا کہنا ہے کہ مشکل وقت میں حکومت سنبھالی، ہرطرف خطرات تھے۔
ارکان پارلیمنٹ سے خطاب کرتے ہوئے وزیراعظم نے کہا کہ مخلوط حکومت کا سفر11 اپریل 2022 کوشروع ہوا، اتحادیوں نے محبت سے اعتماد کاووٹ ڈالا، آئی ایم ایف کیساتھ معاملہ دورتک چلا گیا، ہمیں اس کا اندازہ تھا۔
وزیر اعظم کا کہنا تھا کہ گالم گلوچ سے جو زہر گھولا گیا اس کے اثرات تھے، ہیں اورعرصے تک رہیں گے۔ ہمارے ساتھیوں نے ہمت نہیں ہاری اورہم چل پڑے، مہنگائی کے طوفان سے غریب کی حالت غیر ہوگئی۔
سازشی ذہن کی ساتھ جو سیاسی افراتفری پیدا کی گئی اسے اچھی طرح جانتے ہیں۔ جب تک کسی ملک میں سیاسی استحکام نہ آئے ترقی و خوشحالی تصور نہیں کی جاسکتی۔
عمارت کو بنانے کیلئے کئی سال لگتے ہیں، زمین بوس کرنے میں ایک منٹ لگتاہے، سازشی ذہن کیساتھ چیئرمین پی ٹی آئی اورٹولے نے سیاسی افراتفری پیداکی۔
وزیر اعظم کا مزید کہنا تھا کہ تمام تنقید کے باوجود 15 ماہ میں ریاست کوبچایا، تحریک انصاف کی حکومت نے جوکانٹے بوئے تھے وہ ہمیں ہٹاناپڑے۔
