اسلام آباد ہائیکورٹ میں توشہ خانہ کیس میں چیئرمین پی ٹی آئی عمران خان کی 8 درخواستوں پر محفوظ فیصلہ آج سنایا جائے گا۔
اسلام آباد ہائیکورٹ توشہ خانہ کا ٹرائل روکنے سمیت چیئرمین پی ٹی آئی کی 8 درخواستوں پر فیصلہ آج سنائے گی، درخواستوں پر فیصلہ اسلام آباد ہائیکورٹ کے چیف جسٹس عامر فاروق سنائیں گے۔
توشہ خانہ فوجداری کیس قابل سماعت ہونے کے خلاف درخواست پر فیصلہ جاری ہوگا، چیئرمین پی ٹی آئی کی کیس دوسری عدالت منتقلی کی درخواست پر بھی فیصلہ سنایا جائےگا۔
ٹرائل کورٹ میں حق دفاع بحال کرنےکی درخواست قابل سماعت ہونےسے متعلق فیصلہ بھی آئےگا، حق دفاع بحالی کی درخواست پرسماعت کے دوران حکم امتناع کی درخواست پر بھی فیصلہ آج جاری ہوگا۔
