ابوظہبی پولیس نے صفائی کو یقینی بنانے کے لیے چلتی گاڑی سے کوڑا پھیکنے والے افراد پر جرمانہ عائد کرنے کا فیصلہ کیا ہے۔
رپورٹ کے مطابق ابوظہبی پولیس نے کہا ہے کہ گاڑی چلانے والوں کو اپنی گاڑیوں سے فضلہ پھینکتے ہوئے پکڑا گیا تو اسے 1 ہزار درہم یعنی 80 ہزار روپے کا جرمانہ عائد کیا جائے گا۔
ابوظہبی پولیس نے مانیٹرنگ اینڈ کنٹرول سینٹر کے تعاون سے یہ اعلان کرتے ہوئے کہا کہ سڑک پر کچرا پھیکنا قانون کی خلاف ورزی ہے، کچرے کو مناسب طریقے سے ٹھکانے لگا کر صحت، حفاظت اور ماحولیات کا خیال رکھنے میں ہمارے ساتھ تعاون کریں۔
- Advertisement -
حکام نے ڈرائیوروں اور مسافروں پر زور دیا ہے کہ وہ اپنا کچرا مخصوص جگہوں اور کچرے کے ڈبے میں پھینکیں۔
