مسجد الحرام کے صحن کے فرش میں لگا سفید سنگ مرمر لگا ہوا ہے لیکن کیا آپ جانتے ہیں کہ یہ سنگ مرمر کہاں سے لایا جاتا ہے اور اس کی خاص بات کیا ہے؟
غیر ملکی میڈیا کے مطابق مکہ مکرمہ میں دنیا کی سب سے متبرک مسجد ’’مسجد الحرام‘‘ کے فرش کو جس سفید رنگ کے سنگ مرمر سے مزین کیا جاتا ہے وہ سنگ مرمر ذی عین قریے کے پہاڑوں سے حاصل کیے جانے والے سنگ مرمر سے حاصل کیا جاتا ہے۔
رپورٹ کے مطابق ذی عین قریہ 400 سال سے بھی قدیم علاقہ ہے اور یہاں ہر گزرتے وقت کے ساتھ بارش کا تناسب بڑھ رہا ہے۔ یہاں سے منفرد قسم کا سنگ مرمر حاصل کیا جاتا ہے جو عمارتوں کی تعمیر میں استعمال کیا جاتا ہے۔
- Advertisement -
واضح رہے کہ مسجد الحرام کے صحن میں لگے سنگ مرمر کی ایک خوبی یہ بھی ہے کہ چلچلاتی دھوپ اور شدید گرمی میں بھی یہ عام سنگ مرمر کی طرح گرم نہیں ہوتا بلکہ ٹھنڈا رہتا ہے۔