سندھ حکومت کی جانب سے 140 سے زائد محکموں میں نئی بھرتیوں کے معاملے میں اہم پیش رفت، عدالت نے سندھ حکومت کو مختلف محکموں میں نئی بھرتیوں سے روک دیا۔
نئی بھرتیوں کے معاملے پر ایم کیو ایم پاکستان کی جانب سے سندھ ہائیکورٹ میں درخواست دائر کی گئی تھی، جس میں کہا گیا تھا کہ سندھ حکومت کی مدت 11 اگست 2023 کو ختم ہورہی ہے۔
درخواست گزار کا کہنا تھا کہ سندھ حکومت نے مختلف محکموں میں غیر قانونی بھرتیاں شروع کردی ہیں، انتخابات سے قبل سرکاری ملازمتیں دینا دھاندلی کے زمرے میں آتا ہے۔
- Advertisement -
عدالت نے حکم جاری کرتے ہوئے مختلف محکموں کے اشتہارات کو بھی معطل کردیا، عدالت کی جانب سے سندھ حکومت و دیگر کو 30 اگست کے لیے نوٹس جاری کردیئے گئے۔
