ممبئی: پاکستان سے تعلق رکھنے والی سیما حیدر جو اپنی محبت کے حصول کے لئے غیر قانونی طریقے سے بھارت پہنچی تھی، اب سوشل میڈیا پر ایک ویڈیو وائرل ہو رہی ہے جس میں دعویٰ کیا جارہا ہے کہ یہ ویڈیو سیما اور سچن کی محبت پر بننے والی فلم کے آڈیشن کی ہے۔
سوشل میڈیا پر جو ویڈیو گردش کررہی ہے اس میں دیکھا جاسکتا ہے کہ ایک لڑکا اور ایک لڑکی فون پر گفتگو کرنے میں مصروف ہیں جبکہ ان کے پیچھے ایک بینر آویزاں ہے جس پر تحریر ہے (کراچی سے نوئیڈا)۔۔
https://twitter.com/GaurangBhardwa1/status/1689324526977626112?s=20
اطلاعات کے مطابق مذکورہ فلم سیما اور سچن کی محبت پر مبنی ہے جبکہ فلم کا نام ”کراچی ٹو نوئیڈا“ رکھا گیا ہے۔
واضح رہے کہ جوڑے کی محبت پر بننے والی اس فلم کی ہدایت کاری ڈائریکٹر پروڈیوسر امیت جانی کر رہے ہیں۔ جبکہ آڈیشن کی ویڈیو وائرل ہونے کے بعد سوشل میڈیا صارفین کی جانب سے ملے جلے رد عمل کا اظہار کیا جارہا ہے۔
