اسلامی جمہوریہ ایران نے گزشتہ سال خاتون کو اغوا کرکے اجتماعی جنسی زیادتی کا نشانہ بنانے والے 5 مجرموں کو پھانسی دیدی۔
ایرانی میڈیا کے مطابق ایرانی عدلیہ کی ترجمان کا کہنا ہے کہ ملک کے شمال مغربی شہر میں 5 قیدیوں کو جنسی زیادتی کیس میں پھانسی دی گئی ہے۔
عدلیہ کے ترجمان کی جانب سے جاری کردی بیان میں کے مطابق مجرموں نے مئی 2022 میں ایک خاتون کو اغوا کرکے اسے اجتماعی زیاتی کا نشانہ بنایا تھا۔
رپورٹ کے مطابق پولیس نے واقعے کے 4 روز کے بعد ہی مجرموں کو گرفتار کرلیا تھا، ملزمان پہلے بھی کئی مقدمات میں پولیس کو مطلوب تھے۔
ایرانی عدلیہ کے ترجمان نے اپنے بیان میں مزید کہا کہ ملزمان کو حق دفاع کا پورا موقع فراہم کیا گیا اور ملزمان کی سزائے موت کے خلاف سپریم کورٹ میں اپیل کی سماعت میں بھی قانونی تقاضوں کو مکمل کیا گیا۔
بیان میں کہا گیا ہے کہ سپریم کورٹ میں بھی ملزمان کی سزائے موت کو برقرار رکھا گیا تھا جس کے بعد آج سزا پر عمل درآمد کردیا گیا۔
واضح رہے کہ گزشتہ ماہ بھی مختلف اوقات میں بیوٹی پارلر آنے والی 10 خواتین کو نشہ آور دوا پلا کر جنسی زیادتی کا نشانہ بنانے والے 3 ملزمان کو پھانسی دی گئی تھی۔
