لاہور : نگراں وزیراعلیٰ محسن نقوی نے یوم آزادی کی رات عوامی مقامات پر ہلڑ بازی اور بد نظمی کرنے والوں کیخلاف سخت کارروائی کا حکم دے دیا۔
تفصیلات کے مطابق نگراں وزیراعلیٰ محسن نقوی نے جشن آزادی کے موقع پر آئی جی پنجاب کو شرپسندوں کیخلاف کارروائی یقینی بنانے کی ہدایت کردی۔
محسن نقوی نے یوم آزادی کی رات فیملیز کو تحفظ فراہم کرنے کے لئے پولیس کو ہدایات جاری کی اور عوامی مقامات پر ہلڑ بازی اوربد نظمی کرنے والوں کیخلاف سخت کارروائی کا حکم دے دیا۔
نگراں وزیراعلیٰ نے فیملز سے نازیباحرکات کرنے والے شرپسندوں سے نمٹنے کی ہدایت کرتے ہوئے کہا کہ ون ویلنگ اور موٹر سائیکل میں آلٹریشن کرنے والوں کیخلاف کارروائی ہوگی۔
ان کا کہنا تھا کہ 13اور14اگست کوصرف اورصرف قومی پرچم لگانےاورلہرانےکی اجازت ہوگی تاہم 13 اور 14 اگست کو کسی بھی سیاسی جماعت کو ریلی کی اجازت نہ دینے کا فیصلہ کیا ہے۔
