پاکستانی اسٹریٹ چلڈرن فٹبال ٹیم نے بہترین کا مظاہرہ کرتے ہوئے وطن عزیز کا نام دنیا بھر میں روشن کردیا، اسٹریٹ چلڈرن انڈر17 فٹبال ٹیم نے ناروے کپ میں دوسری پوزیشن حاصل کرلی۔
ناروے کپ دنیا کا سب سے بڑا یوتھ ٹورنامنٹ منعقد کراتا ہے، ٹیم نے شاندار کارکردگی کامظاہرہ کرکے60 ٹیموں میں سے دوسری پوزیشن حاصل کی۔
مسلم ہینڈز فاؤنڈیشن کے مطابق ٹیم کی عمدہ کارکردگی وہاں پاکستانی نوجوانوں کیلئے حوصلے کاباعث بنی، فٹبال میں ایسا اعزاز پاکستان کیلئے نہایت قابل فخربات ہے۔
سربراہ مسلم ہینڈز فاؤنڈیشن نے کہا کہ ایونٹ میں ایسے بچے شریک کئے جاتے ہیں جوعموماً محنت مزدوری کرکے خرچہ چلاتے ہیں، اسٹریٹ چلڈرن فٹبال ٹیم میں شمولیت ان کوقومی ہیروز بناتی ہے۔
سربراہ میدان پراجیکٹ نے کہا کہ یہ اس پلیٹ فارم کی خوش آئندبات ہے، ناروے میں موسم کی سختی کے باوجود کھلاڑیوں کے حوصلے بلند تھے۔
ٹیم منیجر نے کہا کہ ہرطرح کے حالات اور چیلنجز کامقابلہ کرکے پاکستانی ٹیم نے بہترین کارکردگی کا مظاہرہ کیا۔
کپتان اسٹریٹ فٹبال ٹیم کا کہنا تھا کہ میں نے 2 بار پاکستانی ٹیم کی نمائندگی کی جو نہایت قابلِ فخر ہے، پاکستانی ٹیم نے بلاشبہ ناروے میں بہترین کارکردگی کا مظاہرہ کیا۔ آئندہ بھی ہماری ٹیم ہمیشہ ایسی کارکردگی کامظاہرہ کرتی رہے گی۔
