بالی وڈ کی معروف اداکارہ عالیہ بھٹ کی ہالی وڈ ڈیبیو فلم ’ ہارٹ آف اسٹون‘ شائقین کو زیادہ پسند نہیں آئی۔
گزشتہ روز نیٹ فلکس پر ریلیز ہونے والی ’ہارٹ آف اسٹون‘ میں گیل گیڈوٹ اور جیمی ڈرونن کے ساتھ بھارت کی اداکارہ عالیہ بھٹ بھی جلوہ گر ہوئی ہے۔
عالیہ بھٹ کی ہالی وڈ ڈیبیو فلم ’ہارٹ آف اسٹون‘ کا ان کے شائقین کو بے صبری سے انتظار تھا تاہم اس فلم پر اداکارہ کو ناظرین و شائقین کی جانب کوئی خاص ردعمل نہیں ملا۔
اس فلم میں جیمی ڈرونن اور گیل گیڈوٹ مرکزی کردار ادا کررہے ہیں، اس فلم کا موازنہ ’’ایم آئی‘‘ سیریز سے کیا جارہا اور یہ بھی کہا جارہا ہے کہ یہ اس سیریز کی خراب یا بے جان کاپی ہے۔
ایک اور صارف نے اس فلم پر ردعمل کا اظہار کرتے ہوئے کہا کہ ’ ہارٹ آف اسٹون‘ ایک بے جان جاسوس فلم کی کاپی ہے، یہ فلم ایک ناقص مشن کی بورنگ کہانی ہے جس نے عالیہ بھٹ اور جیمی ڈرونن کے ٹیلنٹ کو برباد کردیا۔
ایک اور سوشل میڈیا صارف نے کہا کہ عالیہ بھٹ بالی وڈ فلم میں اداکاری نہیں کرسکتی، انہیں بس اپنا کیرئیر بنانا ہے اور ایکشن فلموں میں نظر آنا ہے۔
فلم پر چند مثبت جائزے بھی ملے لیکن ایسا لگتا ہے کہ اکثریت منفی رائے کی طرف بڑھ گئی ہے، ریٹنگ ایگریگیٹر کی ویب سائٹ کے مطابق اس فلم کو اب تک 53 جائزوں کی بنیاد پر صرف 33فیصد اسکور ملا ہے۔
